Аудан әкімі Еркеғали Әлімқұловтың ауданның тыныс-тіршілігімен танысу мақсатындағы іс-сапары Зертас ауылдық округінде жалғасын тапты.
🔹Жаңакүш елді мекеніне 2023 жылы орталықтандырылған ауыз су құбырының құрылысы жүргізіліп, биылғы жылы аяқталды. Аудан басшысы ауыз су құбырының құрылысымен танысып, елді мекенді ұялы байланыс, сапалы интернетпен қамту мәселесіне назар аударды. Зертас Мәдениет үйіне жүргізілген күрделі жөндеу жұмыстарымен танысты.
🔹Зертас ауылдық округінде «AZIA MILK» маркасымен ірі сүт фермасы іске қосылмақ. 2024-2027 жылдар аралығында жүзеге асырылатын инвестициялық жобаның жалпы құны 1,3 млрд теңгені құрайды. Елді мекен шетіндегі 10 гектар аумаққа израильдік технология негізінде ферма ашуды көздеген кәсіпкер 1200 бас ірі қараға арналған қора, жем-шөп жинайтын орын, сүтті жинап әрі сүт өнімдерін дайындайтын арнайы ғимарат салмақ. Аудан әкімі кәсіпкер жұмысына көңіл бөліп, мемлекет тарапынан қолдаулар көрсетілетінін айтып, ісіне сәттілік тіледі.
🔹Аудан әкімі жеке кәсіпкер Қ.Омартаевтың ағаш өңдеу цехымен танысты. Іске қосылғанына 5 жылға жуықтаған цехта 20 адам тұрақты жұмыспен қамтылған. Соңғы үлгідегі сапалы есік, үйге қажетті жиҺаздар мен баспалдақтарды тапсырыс берушінің қалауымен арнайы дизаймен дайындайды. Кәсіпкердің сөзінше, нарықта қазақы ою-өрнектермен нақышталған есікке сұраныс жоғары.
🔹Зертас ауылдық округі әкімі аппараты ғимаратында округ халқымен кездескен аудан әкімі ауданның дамуы бағытында жүзеге асатын жобалармен таныстырды. Ауданда шағын кәсіпкерлікті дамыту, кәсіпорындар мен жұмыс орындарын ашу негізгі бағыттар екенін айтты. Ашық еркін форматта өткен кездесуде халықтың ұсынысын тыңдап, пікірлеріне назар салып, сұрақтарына жауап берді.
©️Төлеби ауданы әкімінің баспасөз қызметі
About The Author
