Автор: Лаззат Асанова Түркістан облысы, Ордабасы ауданы.
Ордабасы ауданында мемлекеттік қаржының тиімді әрі әділ бөлінуі тиіс деген үміт тағы да сызат алды. Аудан жұртшылығы мен белсенді азаматтар бюджет қаражатының жақын-туыс арасында талан-таражға түсіп жатқанын айтып, дабыл қағуда. Бұл жолы да шенеуніктердің туыстық байланыстары мен ықпал ету тетіктері халық ақшасының тағдырын шешкен сияқты.
200 миллион кімнің қалтасында?
Ордабасы аудандық тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімінің «Таза-су» мемлекеттік коммуналдық кәсіпорынында директор қызметін атқарған Табиров Қадырхан Богдановичтің басшылығы кезінде аудан бюджетінің 200 миллион теңгеге жуық қаржысы келесі туыстарының мекемелеріне бөлінген:
• Ұлы Бағдан Сұлтан Қадырқанұлы – «Жол болсын» ЖШС директоры;
• Туған бөлесі Илаев Эрик Нуритдинович – «Ақ бастау құрлысы» ЖШС директоры;
• Бажасы Арымбеков Қыдырбай Алиясқарович – «Геобурстрой» ЖШС директоры.
Аталған компаниялар түрлі мемлекеттік сатып алуларға қатысып, ірі сомадағы қаржы игерген. Алайда, бұл қаражаттың бір бөлігі нақты қызмет пен тауар жеткізуді растайтын құжаттармен қамтылмаған деген күдік туып отыр.
Бұл күдікті схемаларды алғаш болып әшкерелеуге талпынған — мен, журналист Лаззат Балтабайқызымын. Мен аудан прокуроры Қыдырбай Абзал Айғабылұлының атына ресми түрде арыз жазып, жоғарыда аталған тұлғалардың бюджет қаражатын жеке пайдасына пайдаланғанын көрсеткен едім.
Арыздан кейін аудандық прокуратура “Таза-су” МКК-ның құжаттарын алып, тексеру жүргізе бастаған. Бірақ күтпеген жерден тексеру жұмыстары қысқарған сияқты.
Заң не дейді?
Егер бұл мәліметтер расталса, мынадай баптар бойынша құқық бұзушылық белгілері анық көрінеді:
• ҚР ҚК 361-бабы – Қызметтік өкілеттіктерді асыра пайдалану;
• ҚР ҚК 189-бабы – Бөтен мүлікті иемдену немесе ысырап ету;
• ҚР ҚК 367-бабы – Пара алу;
• ҚР ҚК 370-бабы – Қызметке немқұрайлы қарау.
Сондай-ақ, прокурор тарапынан әрекетсіздік орын алса, бұл ҚР “Прокуратура туралы” Заңы мен “Сыбайлас жемқорлыққа қарсы іс-қимыл туралы” Заңының талаптарын өрескел бұзу болып саналады.
Қоғам үнсіз қалмауы тиіс
Бұл тек бір ауданға қатысты көрінгенмен, мәселенің түбі тереңде. Мұндай жүйелік сипат алған “отбасылық мемлекеттік бизнес” ел болашағына балта шабуы мүмкін. Егер халық үнсіз қалса, бұл тәжірибе өзге өңірлерде де қайталанады. Тиісті органдар мен қоғам өкілдері мұндай әрекеттерге жол бермеуі тиіс.
Қайда қарап отырмыз? Мемлекеттің ақшасы туыстардың мүлкі емес!
@актуальное,
Қасым-Жомарт Тоқаев
ҚР Бас прокуратурасы / Генеральная прокуратура РК, ҚР Ішкі істер министрлігі / Министерство внутренних дел РК, Túrkistan oblysynyń ákimdigi Акимат Туркестанской области, Түркістан Облысының Полиция Департаменті, Қазақстан Республикасының Ұлттық қауіпсіздік комитеті, Қазақстан Республикасы Қаржы министрлігі
About The Author
