✔️Сауран ауданында күзгі ағаш егу маусымы аясында Шаға ауылдық округінде ауқымды экологиялық акция ұйымдастырылды. Іс-шараның негізгі мақсаты — өңірдің экологиялық ахуалын жақсарту, көгалдандыру жұмыстарын күшейту және жасыл аймақ аумағын кеңейту. Акция барысында 5000 түп қара ағаш көшеті отырғызылды.
✔️Ағаш отырғызу жұмыстарына Сауран ауданы әкімінің орынбасары Әлімжан Сихымбай, ауданның дербес бөлімдерінің басшылары мен қызметкерлері, 12 ауылдық округ тұрғындары қатысты. Қатысушылар ауданның жасыл белдеуін қалыптастыруға өз үлестерін қосты.
✔️Көшеттер Шаға ауылдық округіндегі С.Қожанов көшесінің 6 шақырымдық аумағына егілді. Жұмыстарды орындау үшін 4 арнайы техника жұмылдырылды. Сонымен қатар, көшеттердің қауіпсіздігін қамтамасыз ету мақсатында арнайы қоршаулар орнатылды. Экологиялық акцияға 1500-ге жуық тұрғын қатысты.
✔️Сауран ауданында көгалдандыру және абаттандыру бағытындағы жұмыстар кезең-кезеңімен жалғасады. Алдағы уақытта аудан экологиясын жақсартуға бағытталған кешенді жобалар жүзеге асырылатын болады.
©️ Сауран ауданы әкімдігінің баспасөз қызметі
