Автор: Журналист Лаззат Асанова
📌2025 жылдың жаз мезгілінде Төлеби Ауданы Әкімдігі, Алатау Ауылдық Округі, Екпінді ауылындағы ХШС “Alliance Time”-ға қарасты “Қуаныш 2” жазғы сауықтыру лагерінің қызметі қоғамда алаңдаушылық тудырып отыр. Аталған лагерьге қатысты Түркістан облысы Төлеби аудандық прокуратурасына ресми арыз жолданып, бірқатар заң бұзушылықтарды көрсеткен болатынмын.
☝️Тексеріс жүргізу үшін бұл арыз Төлеби аудандық санитариялық-эпидемиологиялық бақылау басқармасына жолданған. 2025 жылғы 23 шілдедегі №24-35-28-03-05/1254-И санды жауапта санитариялық талаптар сақталғаны және эпидемиологиялық қорытынды берілгені баяндалған.
🤔Алайда, төмендегідей маңызды мәселелер жауапта қамтылмаған және бұл жайттар қосымша тексеруді талап етеді:
- Балалардың нақты жағдайы туралы ашық ақпарат жоқ
🤨Аталған лагерде 200 бала демалып жатқаны жөнінде мәлімет бар. Алайда балалардың нақты қай өңірден, қандай әлеуметтік топтан екені, олардың тамақтану, медициналық қызмет алу, санитариялық қауіпсіздігі туралы ашық дерек жоқ. Бұл ҚР “Баланың құқықтары туралы” Заңының 9-бабы мен 16-бабындағы ақпаратқа қол жеткізу құқығына қайшы.
- Қоғамдық бақылау құқығы бұзылды
📌Журналист ретінде аталмыш лагерьге кіру мүмкіндігі берілмеді, яғни қоғамдық бақылауға кедергі жасалды. ҚР Конституциясының 20-бабы және “Бұқаралық ақпарат құралдары туралы” Заңының 18-бабы бойынша, қоғам үшін маңызды нысандарға ақпарат алу құқығы шектелмеуі тиіс.
- Мамандардың біліктілігіне қатысты күмән бар
🤓Лагерьде жұмыс істеп жатқан тәрбиешілердің педагогикалық дипломы жоқ деген ақпарат алынған. Бұл жағдай ҚР “Білім туралы” Заңы мен Еңбек кодексінің 33-бабына сәйкес, еңбек қатынастарын бұзушылық болып табылады.
- Неліктен тек бір мекеме тексерумен шектелген?
⚖️Қоғамдық маңызы бар нысанға байланысты арыз прокуратураға жолданса да, тек санитариялық қызметтің жауабымен іс аяқталған. Ал бұл ретте Білім басқармасы, Балалардың құқықтарын қорғау жөніндегі уәкіл, Еңбек инспекциясы, Прокуратура органдары тарапынан жан-жақты бақылау болмауы – заңға және мемлекет алдындағы жауапкершілікке қайшы келеді.
🙌Құзырлы органдардан талап етіледі:
- “Қуаныш 2” лагерінде жан-жақты тексеру жүргізу;
- Педагогикалық құжаттар мен еңбек қатынастарын заңдылық тұрғысынан қарау;
- Балалардың тамақтануы мен медициналық қауіпсіздігін бағалау;
- Қоғамдық бақылау мен БАҚ-тың құқықтарын шектеу фактісін құқықтық тұрғыда бағалау;
- Тиісті заң нормаларын бұзған лауазымды тұлғаларға тәртіптік немесе қылмыстық шара қолдану.
⚡️Қорытынды:
Бала – ұлттың болашағы. Бүгінгі бейқамдық – ертеңгі үлкен қауіптің бастауы. Мемлекет тарапынан бөлінген қаражат пен сенім – жабық мекемелердің жауапсыздығына жол бермеуі тиіс. ⚖️Барлық құзырлы мекемелерден заң аясында жедел әрекет күтеміз.
About The Author
