⚖️ ҚР Білім және ғылым министрлігінің 2012 жылғы 21 ақпандағы №57 бұйрығымен бекітілген “Білім беру ұйымдарының басшыларын конкурстық тағайындау қағидаларына” сәйкес, білім беру ұйымдарының директорларын мерзімді ротация негізінде конкурстық тәсілмен тағайындау – міндетті шарттардың бірі.
🤔Алайда бұл заңнама Төлеби ауданында неге жұмыс істемей тұр?
📌Бүгінгі таңда Төлеби ауданының білім бөліміне қарасты “Алатау” жалпы орта мектебінің директоры Амиралев Султан бұл лауазымда 10 жылдан астам уақыт бойы отыр. Бұл – заңмен көзделген мерзімнен әлдеқайда ұзақ. Ең сорақысы – ол бұл қызметке ешқандай ашық конкурссыз, бір отбасының ішіндегі ротация тәртібімен келген.
📌Мәселенің түп-тамыры – бұл мектептің бұрынғы директоры, Амиралев Султанның ағасы Амиралев Талғат болған. Ол да аталған мектепті бірнеше жыл бойы басқарып, қызмет барысында үстінен қылмыстық іс қозғалғаннан кейін ғана орнын босатқан. Алайда, қылмыстық іске қарамастан, ол Төлеби аудандық білім бөлімінің шешімімен басқа мектепке директор етіп қайта тағайындалған. Бұл – сыбайлас жемқорлық тәуекелі бар, заңға ашық қайшы келетін шешім.
Осы ретте бірнеше заңнамалық сұрақ туындайды:
❗ ҚР заңдарына сәйкес қандай заң бұзушылықтар орын алуы мүмкін?
- “Сыбайлас жемқорлыққа қарсы іс-қимыл туралы” ҚР Заңының 12-бабы 1-тармағы бойынша:
“Мемлекеттік лауазымға тағайындау конкурстық негізде және тең мүмкіндікпен жүзеге асырылуы тиіс.” - ҚР Еңбек кодексінің 26-бабы (Қызметкерді басқа жұмысқа ауыстыру) мен 33-бабы (Шарт мерзімі) нормалары:
Бір лауазымда 5 жылдан астам үздіксіз отыру – кадр саясаты принциптеріне қайшы. - “Білім туралы” ҚР Заңының 44-бабы, 9-тармағы:
Мектеп директорларын тағайындау кезінде қоғамдық кеңестердің, ата-аналар комитеттерінің, бақылаушы органдардың ұсыныстары ескеріліп, ашық конкурс өткізілуі тиіс.
📌 Қоғамдық талап
Бір мектептің екі директорын – ағайынды адамдарды – бірінен соң бірін тағайындау, әрі олардың бірінің үстінен қылмыстық іс қозғала тұра, екіншісінің сол мектепте он жылдан астам уақыт отыруы – бұл жүйелі бұзушылықтың белгісі. Бұл – әлеуметтік әділеттілікке, білім беру жүйесінің беделіне, заң үстемдігіне қарсы әрекет.
📝 Талаптар:
- ҚР Білім Министрлігі мен Түркістан облыстық Білім басқармасынан:
• Алатау мектебіндегі кадр саясатына қызметтік тексеріс жүргізу;
• Аталған директорлардың тағайындалуына қатысты бұйрықтардың заңдылығын зерделеу. - ҚР Сыбайлас жемқорлыққа қарсы іс-қимыл агенттігінен:
• Бұл істің артында туыстық мүдде мен қызметтік өкілеттікті теріс пайдалану белгілері бар-жоғын тексеру. - Төлеби аудандық Білім бөлімінен:
• Бұған дейінгі және қазіргі директорлар туралы қызметтік және тәртіптік материалдарды жариялау.
🤔 Егер білім жүйесінде әділдік пен тәртіп сақталмаса, онда болашақ ұрпақ сапалы білімге емес, “әулеттік монополияға” тап болады.
☝️Бұл – тек бір мектептің мәселесі емес, бұл – мемлекеттік қызметтің адалдығына сенімнің мәселесі.
Автор: Лаззат Асанова
@актуальное, #все, #түркістаноблысы, #түркістан_білім, Қасым-Жомарт Тоқаев,
ҚР Бас прокуратурасы / Генеральная прокуратура РК, Қазақстан Республикасының Ұлттық қауіпсіздік комитеті, ҚР Ғылым және жоғары білім министрлігі, Түркістан облысының прокуратурасы / Прокуратура Туркестанской области, Түркістан Облысының Білім Басқармасы, Túrkistan oblysynyń ákimdigi Акимат Туркестанской области, Tolebi Audandyk Bilim Bolimi, Аманов Сержан, Жадыра Сейітқызы, Қаламқас Ботабекова, Altyn Kopir Kz, Нұрай Жанай
About The Author
