📌Түркістан қаласы – «рухани астана», «түркі жұртының орталығы» деп жиі ұрандататын аймақ. Бірақ бұл ұрандар жергілікті тұрғындардың тұрмыстық шындығына келгенде – бос сөзге айналатынын тағы бір мәрте дәлелдеп тұр.
☝️Мекенжай: Мұстафа Шоқай көшесі, №85 үйдің маңы.
Бұл көше қазіргі таңда қоқыс пен қараусыздықтың символына айналған. Әкімдік пен ТКШ (тұрғын үй-коммуналдық шаруашылық) бөлімінің бұл маңайға бір күн де бас сұқпағаны көзге ұрып тұр.
📌 ФАКТІЛЕР:
• Жаңбыр суына арналған арықтар түгелдей қоқысқа толып, шөп басып кеткен. Құбырдың аузы қоқыспен жабылған.
• Арық бойында пластик қалдықтар, бөтелке, тамақ қалдығы, тіпті құрылыс қалдықтары толып жатыр.
• Асфальт төсемі нашар, жол жиектері шұрық-тесік, шеттен шыққан топырақ пен тас жол үстіне шығып кеткен.
• Көшенің бір бұрышында – бақылаусыз қоқыс үйіндісі. Көпқабатты үйлердің қасына құрылыс қалдығын, сынған жиһаз, төсек, шиналар мен картондарды кім көрінген төгіп кеткен. Ешқандай ескерту, жаза, тыйым жоқ.
🤔Түркістан әкімдігі қайда қарап отыр?!
«Таза Қазақстан» – тек Президенттің сөзінде ғана ма? Әкім Әзімбек Пазылбекұлы тек таза жерлерге барып, фото-видео түсіріп, Instagram-ға салумен шектеліп отыр ма? Шындықты айтсақ, Түркістанның Мұстафа Шоқай көшесі – ескерусіз қалған, елеусіз мекенге айналған.
❓Әкімдікке сұрақ:
• Бұл көшенің тазалығына кім жауапты?
• Қоқысты кім тастап жатыр, неге айыппұл салынбайды?
• Коммуналдық қызмет не себепті жоспарлы тазалық жүргізбейді?
• Мұстафа Шоқай көшесі «Таза Қазақстан» картасына кірмей қалған ба?
📌Бірнеше миллиард қаржы бөлінген Түркістанға қарағанда, бұл көрініс ауыл емес, тастанды мекенге көбірек ұқсайды. Халық салық төлейді. Бірақ мұндай бейберекетсіздік пен немқұрайдылық – халыққа деген қорлық.
😞Басшылар кабинетте отыр, ал қара халық қоқыс пен шаңның ортасында өмір сүріп жатыр.
📌ТҮЙІН:
Егер әкімдік пен коммуналдық мекемелер халықтың жағдайына осылай көз жұма қарауды жалғастырса, “рухани астана” мәртебесі тек атау күйінде ғана қалмақ.
Авторы: Лаззат Асанова
@актуальное, #все, #түркістан, #түркістаноблысы
About The Author
