Төлеби ауданында аға буын өкілдеріне құрмет көрсету, олардың денсаулығын нығайту, әлеуметтік жағынан қолдау көрсету және ұрпақтар сабақтастығын нығайту бағытындағы игі істер мен шаралар жүйелі түрде жалғасып келеді. Мемлекет тарапынан азаматтардың денсаулығын қорғауға, әсіресе қарттарға көрсетілетін медициналық қызметтердің қолжетімділігін арттыруға бағытталған маңызды бағдарламаларды өңірде тиянақты жүзеге асыру мақсатында Қарттар күніне орай Түркістан облысында басталған «Бір дәуірдің мөлдіреген жастары едік» атты облыстық апталық аясында ауқымды шара ұйымдастырылды. Аталған мазмұнды апталықтың алғашқы күні «Денсаулық керуені» атты маңызды акциямен басталып, білікті медициналық мамандардан жасақталған арнайы мобильді топ Төлеби ауданының Қаратөбе ауылдық округіне арнайы барып сапар жасады. Игі шара барысында ауыл тұрғындары мен қарт азаматтардың денсаулығы жан-жақты тексеріліп, заманауи құрылғылардың көмегімен артериялық қан қысымы өлшенді және қан құрамындағы қант мөлшері анықталды. Сонымен қатар, тәжірибелі дәрігерлер мен мамандар қариялардың жалпы денсаулық жағдайын жіті бақылап, оларға тиісті медициналық кеңестер беріп, салауатты өмір салтын ұстану жолдарын түсіндірді. Ұйымдастырылған бұл «Денсаулық керуені» акциясының ең басты мақсаты – шалғай елді мекендерде өмір сүріп жатқан қарт азаматтарға көрсетілетін сапалы медициналық көмектің қолжетімділігін арттыру, түрлі аурулардың ерте алдын алу және олардың денсаулығына тұрақты түрде қамқорлық жасау болып табылады. Қарттарға құрмет көрсетіп, оларға шынайы қамқорлық танытуға бағытталған осындай ізгі шаралар алдағы күндері де өз жалғасын табатын болады.
ҚАРАТӨБЕ АУЫЛДЫҚ ОКРУГІНДЕ «ДЕНСАУЛЫҚ КЕРУЕНІ» ӨТТІ: АҒА БУЫН ӨКІЛДЕРІ МЕДИЦИНАЛЫҚ ТЕКСЕРУДЕН ӨТІП, АРНАЙЫ КЕҢЕСТЕР АЛДЫ
