Қазығұрт ауданында аудан әкімі Азизхан Исмаиловтың төрағалығымен кезекті аппарат мәжілісі өтті. Жиынға аудан әкімінің орынбасарлары, аппарат басшысы, ауылдық округ әкімдері, дербес бөлімдер мен жауапты мекемелердің басшылары қатысып, ауданның әлеуметтік-экономикалық дамуына қатысты бірқатар маңызды мәселені талқылады.
Аппарат мәжілісінің күн тәртібіне күзгі әскерге шақыру науқанына дайындық, рейтингтік көрсеткіштердің орындалуы, ауыл шаруашылығы саласындағы үшжақты келісімшарттардың жүзеге асырылуы, еңбек қатынастарының заңдылығы және аудан аумағындағы заңсыз құрылыстарға қатысты мәселелер енгізілді.
Алғашқы мәселе бойынша күзгі әскерге шақыру маусымына дайындық жұмыстары қаралды. Бұл бағытта шақыру науқанын белгіленген тәртіпке сәйкес ұйымдастыру, тиісті мекемелердің өзара үйлесімді жұмысын қамтамасыз ету және жауапты міндеттердің уақытылы орындалуының маңыздылығы атап өтілді.
Келесі кезекте ауданның 2026 жылғы сегіз және тоғыз айдағы рейтингтік көрсеткіштерінің болжамды орындалу барысы талданды. Жиында белгіленген индикаторларға қол жеткізу, жоспарланған жұмыстардың нәтижелілігін арттыру және көрсеткіштердің орындалуына жауапты мекемелердің жұмысын үйлестіру мәселелеріне назар аударылды.
Сондай-ақ 2026 жылдың жеті айының қорытындысы бойынша ауыл шаруашылығы саласындағы үшжақты келісімшарттардың орындалуы қаралды. Аталған бағытта қабылданған міндеттемелердің жүзеге асырылуы мен саладағы жұмыстардың тиімділігін арттыру мәселелері талқыланды.
Аппарат мәжілісінде еңбек қатынастарының заңдылығын қамтамасыз ету мәселесі де назардан тыс қалмады. Атап айтқанда, еңбек шарттарын тіркеу, міндетті зейнетақы жарналарын аудару және сақтандыру шарттарын жасау мәселелері қарастырылды. Бұл бағыттағы жұмыстардың заң талаптарына сәйкес жүргізілуі қызметкерлердің құқықтарын қорғау мен әлеуметтік кепілдіктерін қамтамасыз етуде маңызды рөл атқарады.
Бұдан бөлек, аудан аумағындағы заңсыз құрылыстар мен құрылыс жұмыстарын жүргізу кезінде қызыл сызық талаптарының сақталуы талқыланды. Елді мекендердің жоспарлы дамуын қамтамасыз ету, құрылыс саласындағы заң бұзушылықтардың алдын алу және белгіленген талаптардың орындалуын бақылау қажеттігі атап өтілді.
Күн тәртібіндегі мәселелер бойынша жауапты сала басшыларының мәліметтері тыңдалып, алдағы кезеңге арналған міндеттер сараланды. Әр бағыт бойынша атқарылатын жұмыстардың басымдықтары айқындалып, өзекті мәселелерді шешу жолдары қарастырылды.
Жиын соңында аудан әкімі Азизхан Әзімханұлы жауапты бөлім басшылары мен ауылдық округ әкімдеріне нақты тапсырмалар беріп, олардың орындалуын тұрақты бақылауда ұстауды тапсырды. Сонымен қатар, аудан аумағында жүзеге асырылатын жұмыстардың нәтижелілігін арттыру, белгіленген көрсеткіштерге уақытылы қол жеткізу және заң талаптарының қатаң сақталуын қамтамасыз ету қажеттігін ерекше атап өтті.
Аудан басшысы тұрғындарға көрсетілетін қызметтердің сапасын жақсарту, жауапты мекемелердің жұмысын үйлестіру және жүктелген міндеттердің сапалы орындалуына басымдық беру керектігін жеткізді.
Қазығұрт ауданы әкімдігінің баспасөз қызметі
