Төлеби ауданында қоршаған ортаны қорғау, елді мекендердің санитарлық жағдайын жақсарту, аумақтарды тұрақты түрде ретке келтіру және тұрғындардың экологиялық мәдениетін арттыру бағытындағы жұмыстар қарқынды түрде жалғасып келеді. Мемлекет тарапынан қоғамда тазалық пен тәртіпті қалыптастыруға, туған жерге деген жанашырлық сезімін оятуға бағытталған маңызды бастамаларды өңірде жүйелі түрде жүзеге асыру мақсатында 19 қыркүйек күні «Таза Қазақстан» республикалық бағдарламасы және «World Cleanup Day» халықаралық тазалық күні аясында ауданда ауқымды тазалық және абаттандыру жұмыстары ұйымдастырылды. Аудан көлемінде жоғары ұйымшылдықпен өткен бұл жалпыаудандық сенбілікке бір жарым мыңға жуық тұрғын, түрлі мемлекеттік мекемелер мен ұйымдардың қызметкерлері, белсенді волонтерлер мен спортшылар қатысып, елді мекендердегі белгіленген қоғамдық аумақтарды тұрмыстық қалдықтар мен күл-қоқыстан толықтай тазартып, санитариялық ахуалын жақсарту және абаттандыру жұмыстарын атқарды. Атқарылған игі істер нәтижесінде сенбілік барысында он үш тонна күл-қоқыс шығарылып, қоршаған орта тазартылды, сонымен қатар ерекше экологиялық шара ретінде елу түп жаңа ағаш көшеттері отырғызылды. Ауқымды тазалық шарасына аудан әкімінің міндетін уақытша атқарушы Бағдатбек Жанғазиев пен белгілі спорт шебері Арман Оспанов арнайы қатысып, тұрғындармен бірге тазалық жұмыстарына белсене атсалысты. Бұдан бөлек, шараның рухын көтеру мақсатында аудандық мәдениет үйінің өнерпаз қызметкерлері арнайы шағын концерттік бағдарлама ұсынып, сенбілікке қатысушыларға ерекше көтеріңкі көңіл күй сыйлады. Тазалық жұмыстары барысында аудан әкімінің міндетін уақытша атқарушы тұрғындарды қоршаған ортаны әрдайым таза ұстауға және осындай экологиялық шараларға белсенді түрде қатысуға шақырды. Өз сөзінде ол тазалық – бұл тек бір мекеменің немесе билік өкілдерінің міндеті емес, баршаға ортақ үлкен жауапкершілік екенін атап өтті. Туған жеріміздің көркейіп, елді мекендеріміздің әрқашан таза әрі көрікті болуы әрбір азаматтың өзіне тікелей байланысты. «Таза Қазақстан» бағдарламасы аясындағы атқарылып жатқан жұмыстар тек бір күндік сенбілікпен шектелмей, әрбір азаматтың күнделікті өмір салтына айналуы тиіс екендігі баса айтылды. Бұл ретте волонтерлердің, спортшылардың, мемлекеттік мекеме қызметкерлерінің және барлық ауыл тұрғындарының көрсеткен белсенділігі мен бірлігі – ортақ іске деген шынайы жанашырлықтың айқын көрінісі болып табылады. Жалпыаудандық тазалық жұмыстары барысында қоршаған ортаны қорғауға, елді мекендердің көркеюіне және тазалық пен абаттандырылуына ерекше мән беріліп, алдағы уақытта да бұл бағыттағы жұмыстардың жүйелі түрде жалғасатыны атап өтілді.
ТӨЛЕБИ АУДАНЫНДА «ТАЗА ҚАЗАҚСТАН» ЖӘНЕ «WORLD CLEANUP DAY» АЯСЫНДА АУҚЫМДЫ ТАЗАЛЫҚ ЖӘНЕ АБАТТАНДЫРУ ЖҰМЫСТАРЫ ЖҮРГІЗІЛДІ
