ТӨЛЕБИ АУДАНЫНЫҢ МЕМЛЕКЕТТІК ҚЫЗМЕТШІЛЕРІНЕ ЖАҢА ЗАҢНЫҢ НЕГІЗГІ НОРМАЛАРЫ МЕН ЖАҢАШЫЛДЫҚТАРЫ ТҮСІНДІРІЛДІ: МЕМЛЕКЕТТІК ҚЫЗМЕТ САПАСЫ МЕН ӘДЕП НОРМАЛАРЫ ТАЛҚЫЛАНДЫ

Төлеби ауданында мемлекеттік қызмет сапасын арттыру, мемлекеттік аппараттың тиімділігі мен кәсібилігін жетілдіру, сондай-ақ заңнамалық өзгерістерді қызметкерлер арасында кеңінен насихаттау бағытындағы жұмыстар жүйелі түрде жүргізіліп келеді. Мемлекет тарапынан «Әділетті Қазақстан» құру, «Адал азамат» қағидаттарын қоғамда берік орнықтыру және тиімді мемлекеттік басқару жүйесін қалыптастыру мақсатында департамент басшысы Е. Қарымсақов Төлеби ауданының мемлекеттік қызметшілерімен арнайы кездесу өткізді. Маңызды басқосу барысында қолданысқа енген «Қазақстан Республикасының мемлекеттік қызметі туралы» жаңа Заңның негізгі нормалары мен маңызды жаңашылдықтары жан-жақты түсіндірілді. Кездесу барысында мемлекеттік қызмет жүйесін одан әрі жетілдіруге, ел мүддесі үшін қызмет етіп жатқан мемлекеттік аппараттың жұмыс тиімділігі мен кәсіби деңгейін арттыруға бағытталған заңнамалық өзгерістерге ерекше назар аударылды. Сонымен қатар, қоғамда «Адал азамат» қағидаттарын түпкілікті орнықтыру, әрбір мемлекеттік қызметшінің қызметтік әдеп нормаларын қатаң сақтауы, Әдеп кодексінің талаптарын бұлжытпай орындауы, сыбайлас жемқорлыққа қарсы мәдениетті жоғары деңгейде қалыптастыру және халыққа көрсетілетін мемлекеттік қызметтердің сапасы мен қолжетімділігін айтарлықтай арттыру мәселелері бойынша нақты түсіндірмелер берілді. Бұл бағыттағы атқарылып жатқан шаралар мен түсіндіру жұмыстары мемлекеттік қызметшілердің жауапкершілігін арттырып, халық пен билік арасындағы сенімді нығайтуға айтарлықтай үлес қосатын болады.